今時今日到會服務喺香港十分流行，深受大眾喜愛，不論是節日Party、公司會議、學校活動，到會都是提供食物的最佳選擇！預訂到會睇落容易，但對於新手來講，或者會充滿大小疑惑，究竟點樣揀選先適合自己嘅到會呢？今次我地就來講解下點樣先訂到適合自己嘅到會同需要注意嘅事項。
到會形式：
主要分為小朋友生日到會、派對到會和公司應酬到會等等，每種到會形式都略有不同。
小朋友生日到會：
毫無疑問小朋友是到會的主角，所以野食都應該以小朋友角度出發，食物應該以細件和健康，而且容易消化和無骨為主。首先，到會食物必須係相對較為健康，無咁油膩，同時又要符合小朋友嘅口味。另外，小朋友嘅胃口比起成年人細，所以準備俾小朋友嘅食物都要細件為主，而且無咁多骨，方便小朋友咀嚼同容易消化。
在食物方面，可以選擇肉丸類，菠蘿腸和雞翼等等，而甜品則可以選擇啫喱糖和水果盤。除此之外，亦要為家長們準備一些飽肚嘅食物，例如可以叫啲飯類同麵類等給家長品嚐。
最後，千奇唔好唔記得為小朋友準備一個精美可愛嘅生日蛋糕呀！！
派對到會：
派對到會方面，無論係朋友派對、聖誕聯歡、跨年派對等等，當中嘅到會食物都應該比較多樣化一些，食物嘅種類同口味都可以比較豐富，這樣可以迎合到唔同人嘅口味同需求！
同時，可以選擇多啲容易分配嘅小食，份量亦會比較多，可以俾所有人品嚐到全部菜色。可以考慮下串燒、沙律，一次過滿足所有人嘅口味！同時，亦都可以另外選擇一啲無咁熱氣嘅嘢食，例如手撕雞、拼盤和意粉等等。
最後，到會點少得甜品喔～ 小蛋糕、焦糖燉蛋同泡芙都係派對到會甜品既最佳選擇！！
公司應酬到會：
至於會議到會方面，因為到會嘅美食並唔係俾客戶果腹，而係作為招待客人嘅一種禮儀，所以應該叫一些比較精緻且小件的小食。
而且小食嘅包裝或者裝飾都不可缺少，整體而言應該給人一種莊重而華麗的感覺，就好似婚禮到會一樣。而食物種類方面，可以選擇鮮果串、炸物、迷你撻、酥皮盒、魚柳條同雜曲奇等等嘅小件食物，加上獨立的杯裝飲料，就好似雜果賓治、桔子蜜同茶，更突顯出莊重的氣氛！
訂購到會的注意事項：
到會的人數眾多，搞手往往除了需要顧及不同人的口味外，還需要顧及他們的飲食習慣。所以事前的詢問和了解是非常重要的，當中包括：
✨食物敏感
✨是否素食者
✨需要忌口的食物
食物敏感：
患者通常對牛奶、核果類、花生、甲殼類海鮮(如蝦蟹)、麵粉等等造成敏感，嚴重的食物敏感會有致命的危險，所以訂購到會前必須知道是否有人對食物敏感。
是否素食者：
如名所言，素食者只吃菜和水果，不會碰任何肉類和海鮮的，訂購到會時可以事前商量好食物的種類，被免出現尷尬的情況。
需要忌口的食物：
例如是傷口發炎，需要忌牛和辣等等，雖然這是很微小的信息，但足以令客人的感受截然不同。
另外有時候搞手無法取得客人對食物的偏好，或是客人對食物太挑剔，因此到會種類的多元化便是解決的辦法。
如何預計食物的份量：
訂到會時，食物的數量最教人煩惱！食物的份量必須準確控制，份量太多，會造成浪費，份量太少，賓客不能暢快品嚐，也會出現尷尬。
因此，預訂食物前要好好計算一下最適合的份量。要預算準確，先要計算賓客的總人數，再考慮男士、女士、長者和小朋友所佔的比例。另外，亦要評估有那些賓客是「大胃王」。
國際標準中，1碗煮熟的白飯是0.5磅；而5磅的主食可令2-3個成人得到飽足。
小食和主食的比例該如何分配：
到會食物提供多元化嘅款色，而當中最難搞之一就係主食同小食嘅份量。究竟點樣先可以確保每一個人都食得飽又唔會太「滯」？
如果太多主食的話，食物就會比較單一化，食起來就會比較沈悶，另外每次都要拿住成碟飯／粉，相對麻煩。客人會食得冇咁方便。尤其係開 Party 嗰時，派對小食應該預多一點，而主食預少一點，大家都不會想長時間拿著食物太久。派對小食通常是一件件的，可以一口一個，相對方便很多。
主食例如炒飯、意粉，容易令客人得到飽足，但壞處是往往難以分配，同時須配合大量餐具；小食通常以件數作計算單位，份量容易預計之餘，亦十分容易分配。所以主食和小食的比例為 4：6，方便客人進食。另外有時候要視乎男女人數的比例，如果這次活動女性人數較多，那就可以叫少點主食。
希望大家睇完呢編文章後，學識叫到會嘅技巧，以後叫到會就更加順手！
