行山係相當有益身心既活動，遠離繁忙既都市，親近大自然同時又可以呼吸新鮮空氣，好似幫身體做左過濾一樣!近兩年因為疫情關係，大家唔能夠出外面旅行，反而令香港人留係香港既時間多左，而且仲發掘到更多本土好地方同新打卡新景點。講番行山，雖然望落好似好簡單既活動，但其他都好多野都需要注意，例如你要留意你要行既山既難易程度，好多人出發前無查清楚，直接上山，其實甘樣做係非常危險!所以行山前一定要做好資料搜集，搵D岩自己既程度既山黎行，又或者有人為左輕便出行，咩都唔帶，上到山時咩都無，口乾都無水飲肚餓又無野食，補充唔到水份能量耗盡，會好容易休克，所以行山前一定要做足準備。
1.留意天氣
出發前應該要先睇天氣報告，留意當日既天氣情況，遇上落雨、落雹、颱風、酷熱天氣警告或者濕度高空氣質素指數甚高或嚴重既日子都唔適宜行山，曾經都有新聞報道，有人無視天氣惡劣，照樣上山，最後發生意外受傷或者死亡。為左自身安全，一定要留意天氣報告。
2.規劃好路線 做好資料搜集
香港有好多行山路線，每一條難易程度都唔同，如果新手應該選擇先開始一D比較容易既路線，之後先再慢慢增加程度。出發前睇定同規劃好你要行既路線以免「蕩失路」，留意郊遊各種資訊，仲有要預計好步行時間，盡量日落前要完成，入黑落山會非常危險。
3.多人成行 互相照應
切勿獨自上山，行山最好有朋友或者家人陪伴，發生咩事都可以互相照應。發生行山意外既，大多都係因為獨自成行，安全至上，都係搵個伴一齊去行山啦!仲有就係去邊到行山都要先告知屋企人或者朋友去邊行呀!
4.著岩裝備 帶齊行山所需用品
行山應該要穿著合適服飾，輕便既長袖淺色衫褲，防滑既運動鞋，千奇唔好為左貪靚，著短褲短裙，你要知道郊區好多蚊，最後辛苦只會係自己!
1.帶備足夠水同食物; 行山既時候，能量會消耗得好快，要帶夠水同食物，甘樣就可以及時補充身體能量。
2.充夠電既手提電話; 手提電話方便有咩事都可以通知人，同時智能電話具備地圖同指南針功能。
3.輕便電話外置充電器及線 ;出門在外，手機容易無電，帶備一個，有備無患。
4.驅蚊噴霧及雨具; 郊區蚊蟲比較多，驅蚊噴霧可以預防蚊叮蟲咬，雖然睇左天氣報告，但有時天有不測之風雲，帶定把傘就更好。
5.急救用品、電筒，哨子;遇上跌倒或者刮損有急救用品就方便好多，預計唔能夠日落前落到山，就要帶電筒，山太大有好多危險性，帶備哨子方便求救。
6.行山手杖;如果計劃行既路線較為崎嶇，建議帶上行山手杖，方便支撐身體步行。
5.行山期間注意事項
1.行山既時候，可能會遇上野生動物，千奇唔好餵佢地食野同接近佢地，以免受到襲擊，亦唔好隨意飲山水同食野果。
2.如果途中發生雷暴，應避免用手提電話，同時要盡快落山，遠離樹木，鐵杆同潮濕地面。
3.路線要跟從官方指示牌，唔好走入樹林、溪澗同無路牌既地方，容易發生危險。
4.唔好係燒烤場地範圍外生火或食煙一但遇上山火，要遠離火災現場同致電999報警。
5.唔好為左打卡，企近懸崖同危險既地方，以免發生意外，得不償失。
6.如果遇到意外，記得要打999報警求救。
________________________________________________________________________________________________________________________________________________________________________________
簡易行山路線推介
嘉頓山
嘉頓山係一個適合睇日落，又可以感受萬家燈火夜景既好地方，山既高度只有90米，非常簡易既行山路線，只需15分鐘就可以到山頂，沿路都係梯級為主。
出發前往: 先係深水埗地鐵站D1出口出，沿欽洲街前行至嘉頓麵包公司，經過巴域街見到石硤尾村轉右手邊到達「美荷青年旅舍」，跟指示牌沿右手邊小路出發上山。
龍脊
龍脊被旅遊雜誌<<LONELY PLANET>>評為「香港最佳遠足路線」之一，路程長8.5公里，全程需要4小時。龍脊位於香港島東南方，四周無高樓大廈遮擋，景色壯麗，係唔少香港人鐘意既行山路線!不過呢條路線無中途補給站，所以要帶夠足夠既水同食物，開始路段無咩野遮擋到陽光，最好帶雨傘或者戴帽。
出發前往: 筲箕灣A2出口，乘坐9號巴士或者紅色小巴到「土地灣」落車，沿龍脊指示牌上山。回程係大浪灣村村口乘坐9號巴士返到筲箕灣站。
龍蝦灣
龍蝦灣郊遊徑位於清水灣郊野公園入面，全程約2.3公里輕鬆易行，只需要2-3小時。沿龍蝦灣郊遊徑上到大嶺峒觀景台，可以飽覽到香港東南面群島既遼闊景色，一覽無遺!
出發前往:乘坐九巴91號或者小巴16、103、103M到「大坳門」落車，沿清水灣道步行20分鐘到達清水灣郊野公園，跟指示牌到龍蝦灣郊遊徑，沿路上山。
行山係一個健康又消閒既活動，多出外面行下有益於身心健康，呼吸到新鮮空氣又可以睇風景，實在「一舉五得」! 但大家緊記要做好充足既準備先出發，如果出發就覺唔舒服就唔好勉強上山，要注意去到邊都要安全至上，仲有唔好亂拋垃圾同口罩，做個有公德心既人，自己垃圾自己帶走呀!
__________________________________________________________________________________________________________________________________________________________
除左行山可以三五知已一齊去，其實開PARTY都一樣可以架! 一大班人一齊飲飲食食都係一個唔錯既消閒活動!我地80S CATERING 有多款唔同既特色套餐可以訂購,仲有數十款美食可以比你自選!快D同朋友家人約實個時間，預訂我地80S既到會啦!
記得要提早預訂呀!
想訂購套餐或查詢詳情，可按以下連結:
自選食物到會組合，可按以下連結訂購:
如果有興趣訂購我地既花束仲有氣球,可以到以下連結:
80s Catering 一站式為你們服務，同時訂購到會、散餅、蛋糕、鮮花都可以一併送貨。
想與一眾親朋好友開心地參加派對聚會? 記得要找我們「80s Catering」!
歡迎致電67113183查詢!
全店到會（不連折扣和運費）滿$1500免運費 *
全店到會逢星期五六日假期，大家請提早最少7天前預訂 （星期二休息假日除外）
經典手工蛋糕最少提前3天預訂，主題蛋糕請提前最少7-14天預訂
手工蛋糕及單買散餅需另外加收$120送貨上門或到我們工場自取*
__________________________________________________________________________________________________________________________________
