香港人生活繁忙，你又有幾耐未試過可以靜心甘慢慢飲杯茶食件餅望下風景?其實有時都要識得停低腳步享受下一段愜意時光放鬆心情，之後先可以繼續行更遠既路架嘛!香港現時有好多酒店都推出唔同既英式下午茶，三層精緻點心盤+各種茶飲，再加上靚既環境，非常岩約朋友或者家人一齊去嘆下!大家又有無諗住去試下呢? 不過英式下午茶文化係點樣黎?而你又了解幾多? 如果有興趣想知道，可以睇下跟住落黎既介紹。
英式下午茶源自於維多利亞時代1840年，由英國貝德福德公爵夫人安妮所發明。話說有一日，公爵夫人雖然已經食左午餐但係係正式晚宴之前覺得有d肚餓，因為晚宴多數8點鐘先開始，於是佢就吩咐左僕人準備一d麵包、奶油同茶等自己慢慢享用，後來佢覺得呢個主意唔錯就邀請左其他知心好友一齊享用下午茶享受愜意既午後時光，消息一傳十，十傳百，傳到名媛貴族都開始有下午茶既習慣，所以「英式下午茶」就成為左當時上流貴族社交圈子既活動。
「Low Tea」其實係「Afternoon tea」既另一個叫法，都係正統英式下午茶既稱呼，因為以前下午茶通常都會係貴族莊園會客既地方進行，個到都係放置一d較矮既枱同舒服既凳，所以「Low Tea」個名就係甘黎。而「Cream Tea」就係較簡約既英式下午茶，相比起「Afternoon tea」較繁多既三層點心，佢只有英式鬆餅、果醬、奶油同埋茶，相對比較簡單!「Royal Tea 皇家下午茶」就係將英式下午茶中既茶飲轉成香檳。最後「High Tea」，呢個字大家係味好熟悉呢? 我地成日都會同朋友同事講呢個字! 其實「High Tea 」同「 Afternoon Tea」係兩樣唔一樣既野黎，「High Tea 」並唔係英式下午茶，佢源自於英國工人階層，即係工人傍晚既茶點或者晚餐，對比英式下午茶精緻點心同蛋糕，high tea 只有肉類同有醬汁既蔬菜，方便工廠同礦井做野既人收工可以填飽個肚。所以high tea 唔係高級既意思亦同奢華既英式下午茶無咩大關係!如果大家係要去食英式下午茶既話，可以講「Low Tea」或者「Afternoon tea」，如果唔係既話就講「High Tea 」喇!
相信大家每次去食都好困惑，應該由邊到開始食?英式下午茶分為三層，第一層會放上三文治或者鹹點，第二層放英式鬆餅、果醬同奶油，第三層放甜點、蛋糕或者水果撻，傳統食法由下往上食用，先食鹹點再食甜點，鹹點有助先打開味蕾感受食物既味道，跟住第二層英式鬆餅先查果醬再查奶油，食完一啖再重復步驟，感受微甜既味道，最後先食最甜既甜點或者水果撻。而品茶方面，可以選擇英式紅茶、大吉嶺紅茶、伯爵茶同錫蘭紅茶，如果係飲奶茶，就要先加奶再加茶，最後就係要欣賞下精緻茶具。當然而加唔同以前，好多酒店會加入好多唔同茶既種類同埋點心比大家選擇，所以並無以前甘多規限!
—————————————————————————————————————————————————————————————————————————————-
睇左甘多資料係味對英式下午茶有更加多既認知呢?大家係咪都心郁郁想約人去食?其實除左可以出去酒店食甜點，自己屋企都可以架!一人一杯茶幾件餅，無論係邊到，都可以有屬於大家既愜意午后時光!我地80s Catering 專營到會同散餅，散餅造型精緻味道可口，唔洗用好貴既價錢就可以食到酒店級質素既甜點，每一件我地都係獨立包裝方便又衛生，岩哂做散水餅同升職餅，如果想屋企自製英式下午茶都可以，預備好茶加上我地既鹹點甜點，一樣都可以!
想訂可進入下圖連結:
80s Catering 一站式為你們服務，同時訂購到會、散餅、蛋糕、鮮花都可以一併送貨。
想與一眾親朋好友開心地參加派對聚會? 記得要找我們「80s Catering」!
歡迎致電67113183查詢!
全店到會（不連折扣和運費）滿$1500免運費 *
全店到會逢星期五六日假期，大家請提早最少7天前預訂 （星期二休息假日除外）
經典手工蛋糕最少提前3天預訂，主題蛋糕請提前最少7-14天預訂
手工蛋糕及單買散餅需另外加收$120送貨上門或到我們工場自取*
__________________________________________________________________________________________________________________________________
