即將就係放長假期既日子，唔知大家打算做d咩呢?就算唔係長假期，平時放假既時候，如果好累又唔想出街，係屋企唔知做咩打發時間，我諗大家都會睇下劇又或者睇電影，相信大家唔少人都係Netflix公司既用戶，係屋企煲劇煲電影都非常方便，仲會定時更新唔同既新舊電影劇集，或者自家出品節目，小編都係好鐘意睇劇煲電影既人，所以都係Netflix用戶既其中一員，最近發覺都上新左唔少，等小編介紹比大家，睇睇岩唔岩，如果有興趣，可以放假既時候睇睇打發時間!
1. 《機械人之亂 Mother/Android》 上線日期:已上線
美國科幻電影《機械人之亂》係講述女主角意外懷孕，同男朋友商議後決定要生佢出黎，但就係呢個時候，末日降臨，機械人群起造反，女主角同佢男友為左生存要避難到安全之地—波士頓，故事主要圍繞住女主角同男友既逃難故事。女主角由曾出演《第五天劫》《魔女嘉莉》既嘉兒·莫蕊茲（Chloë Grace Moretz）演出，而男友就由美國演員及歌手阿吉·史密斯演出，呢套電影係Netflix已經上左線喇！鐘意睇末日逃難題材既你，都可以去睇睇!^^
2.《千萬別抬頭 Don't Look Up》 上線日期: 已上線
望見上面呢個圖就知道呢套電影卡士非常強勁!主要演員包括有影帝里安納度·狄卡比奧、奧斯卡影后梅麗·史翠普同珍妮花·羅倫絲、仲有(甜茶)提摩西·夏勒梅等等，真係星光熠熠。
《千萬別抬頭》故事係講天文學研究生凱特(珍妮花·羅倫絲 飾演)同埋佢既教授藍道(里安納度·狄卡比奧 飾演)發現左一粒彗星，經過佢地既反復計算，計算出彗星會直面撞向地球，級數仲會達至全球性毀滅，凱特同藍道即刻通知美國政府，想佢地作出應對，點知竟然受到佢地既漠視，寧願關心自己總統大選，選唔選得成，都唔關心彗星撞向地球既事，令凱特同藍道大感驚訝同失望，於是佢地決定自己搵新聞媒體，希望可以傳播呢個消息比大家知道。小編睇呢套電影既時候都睇到有D燥底，與此同時又覺得幾好笑，嘲諷得好到位!只可以話同我睇開既末日電影有D唔同，想知道最後人類會點?推薦大家可以去睇下^^
3.《夢想期限 Tick,Tick…Boom》 上線日期: 已上線
呢套《夢想期限Tick,Tick…Boom》正正就係講緊著名美國作曲家強納生．拉森( Johnthan Larson)既故事，當時有感自己就到三十依然一事無成，眼見身邊人都名成利就有作為，但自己夢想依然處於浮浮沉沉，雖然係甘但係係一次機會之下，同友人共同合作而創作出《吉屋出租》音樂劇，佢為呢套音樂劇總共寫左44首歌，自己既才華亦終於有用武之地，《吉屋出租》更獲得美國劇場界最高榮譽東尼獎同譽為新聞界「奧斯卡金像獎」既普立茲獎，仲成為百老匯史上第七長壽既劇，可惜強納生．拉森未能見證到《吉屋出租》既成功，就已經離開左人世。雖然就甘睇可能你會覺得又係呢d故事，但故事內容觸動人心，唔會過於煽情，有類似感覺既人都會覺得有共鳴，而男主角強納生．拉森係由曾出演《蜘蛛俠:驚世現新》《鋼鋸巔》既安德魯．加菲飾演，佢早前亦憑住呢套《夢想期限Tick,Tick…Boom》獲得2021年金球獎音樂及喜劇類電影最佳男主角。
鍾意睇人生同夢想題材既你，不妨睇睇呢套，睇下會唔會從中揾到你既共鳴。
影集類
1.《殭屍校園 All Of Us Are Dead》上線日期: 1月28日
近幾年韓國所出品既喪屍題材電影或者劇集都大行其道，出完一套又一套，例如有《屍殺列車》《屍戰朝鮮1-2》《The Happiness》等等，「服化道」同故事都非常出色，深受觀眾們既喜愛，既然係甘~當然要食住個勢繼續拍啦!黎緊既1月28號《殭屍校園》就會係Netflix上線喇!今次呢套影集一共有12集，故事改編自同名韓國漫畫《殭屍校園》，講述殭屍病毒係校園入面爆發，一班受困既學生因為唔想成為喪屍而奮力逃出生天，如果睇開喪屍電影或者劇集既人，可以到時睇下喇!
1.《新聞記者 The Journalist》上線日期: 已上線
《新聞記者 The Journalist》係改編自作者望月衣塑子既同名小說短篇日劇，一共有6集，而同名電影更係2019年獲得日本年度金像獎最佳電影等三項大獎。呢套影集故事內容係講述一個報章雜誌社記者杏奈有一日突然收到一封關於政府既秘密資料文件，發覺當中事有蹊蹺，而另一邊既係內閣情報室工作既杉原被長官要求掩蓋政府既醜聞，杏奈透過追查線索慢慢搵到事實既真相，就算面對手握大權既政府高官都仍然鍥而不捨去揭發事情既真相。女主角杏奈由曾出演《女醫神 Doctor X》既米倉涼子飾演，影集已經係1月13日上左線，推薦大家可以去睇下!
———————————————————————————————————————————————————————————————————————————————–
放緊假既時候，留係屋企煲劇煲電影就最開心，一個人睇有一個人睇既快樂，但同朋友一齊睇都未嘗不可，但睇劇睇電影點少得野食架?我地80S Catering係一間到會平台公司，有唔少既泰式或者西式套餐可以選擇，另外仲有自選到會組合比你自由選擇你既心水食物。除左到會另外仲有散餅蛋糕可以訂購，岩哂開party!!有興趣可以click入下面網站睇睇架!!
想訂購套餐或查詢詳情，可按以下連結:
自選食物到會組合，可按以下連結訂購:
如果有興趣訂購我地既花束仲有氣球,可以到以下連結:
80s Catering 一站式為你們服務，同時訂購到會、散餅、蛋糕、鮮花都可以一併送貨。
想與一眾親朋好友開心地參加派對聚會? 記得要找我們「80s Catering」!
歡迎致電67113183查詢!
全店到會（不連折扣和運費）滿$1500免運費 *
全店到會逢星期五六日假期，大家請提早最少7天前預訂 （星期二休息假日除外）
經典手工蛋糕最少提前3天預訂，主題蛋糕請提前最少7-14天預訂
手工蛋糕及單買散餅需另外加收$120送貨上門或到我們工場自取*
_____________________________________________________________________________________________________________________________________
