新年又到喇!!

其實新年期間傳統禁忌有好多

例如睡覺、起身、講嘢、執屋等幾個方面!!

所以等我哋一齊留意下下面呢10個「新年禁忌」啦!

 

1. 忌向仲訓緊覺嘅人拜年

年初一好多人會早起身打電話俾親朋好友拜早年

但係有一樣嘢要注意 就係千其唔好叫醒仲訓緊覺嘅人拜年

傳聞話咁樣會令對方成年都係病床上度過

2. 忌瞓晏覺

年初一最好唔好瞓晏覺或者太遲起身啦

因為傳聞話會令人成年都變得懶散 影響哂全年嘅事業運

3. 忌催促人起身

大年初一朝早千其唔好催促人起床啊!

因為咁樣會令對方全年都會被催促做嘢

除咗影響心情 亦都會令對方成年做咩都唔順利

4. 忌打爛嘢

打爛嘢會破財破運 如果唔小心款爛嘢

就要用紅紙包住 要默唸「歲歲平安」(取「碎碎」諧音)嘅吉祥語

如屋企有神位就放係神檯上面 到初五先拋棄打爛咗嘅嘢

5. 忌講唔吉利嘅字眼

新年流流 千其要避免講「死、病、輸、衰、破、敗」等唔吉利又負面嘅字眼

如果唔小心犯禁 就要「吐口水講過」、「童言無忌」、「大吉利是」等去化解

6. 唔好俾人掏口袋

年初一千其唔好俾人掏口袋

因為意味住全年嘅錢財都會被人拎走

咁一年嘅勞碌就會全部白費架喇!

7. 忌做清掃嘅工作

大年初一最好唔好掃地、倒水、倒垃圾等清掃工作

因為咁樣會將財神爺送走同將財氣同好運都一齊掃走 可以大年初二先再掃地 或者係年廿八清潔

初一到初四嘅垃圾為「財氣」但到初五後就會變成「窮氣」

所以初五要將所有垃圾清除「送窮」 寓意會帶嚟好運同財運 辟邪除災 迎接美好

8. 初一已嫁嘅女兒唔可以返娘家

有指已嫁嘅女兒大年初一返娘家

會影響娘家嘅全家宅運 亦會「食窮」娘家

因此年初二或年初三先可以返去

9. 忌食粥、肉、藥

以前因為窮先食粥 所以年初一食粥 會有成年都窮嘅意思

所以年初一忌殺生 唔好食肉

除非病咗 如果唔係年初一不宜食藥,補藥或維他命丸個啲都要避免下

10. 初三、初四、初七不宜拜年

初三「赤口」又稱「赤狗日」,「赤狗」即「熛怒之神」

代表唔吉利、會有凶事 所以故不宜外出都不宜拜年 應該要留係屋企

 

以上嘅資訊都係小編資料搜集搵俾大家的 信唔信就睇大家喇!!